Fúinn.
Is mise Ursula Savage.
Bhunaigh mé Cinnteacht in 2017 chun cabhrú le heagraíochtaí a gcuid aidhmeanna a bhaint amach agus an obair a dhéanann siad a fheabhsú.
Le linn mo shlí bheatha, d’oibrigh mé do réimse eagraíochtaí éagsúla a chabhraigh liom taithí fhairsing a fháil i bpleanáil straitéiseach, i bhforbairt eagraíochtúil agus i modhanna taighde. Bhain mé úsáid as an taithí seo chun cabhrú le heagraíochtaí, gnólachtaí agus daoine aonair eile le taighde, pleanáil straitéiseach agus forbairt thar na blianta.
I ndiaidh dom céim a bhaint amach sa Dlí agus sa Pholaitíocht ó Ollscoil na Banríona, Béal Feirste in 2012, lean mé ar aghaidh chun Máistreacht i Staidéir agus i gCleachtas Reachtaíochta a bhaint amach in 2013. Ina dhiaidh sin, rinne mé staidéar ar Mháistreacht sa Nua-Ghaeilge ó Ollscoil Uladh in 2016. Bhain mé amach Dioplóma Gairmiúil i mBainistíocht Tionscadail in 2022 agus Dioplóma Gairmiúil i gCeannaireacht agus i mBainistíocht in 2025, an dá cheann ó Acadamh Gairmiúil UCD.
Chaith mé tamall ag obair le heagraíochtaí éagsúla, ina measc Comhthionól Chnoc an Anfa, Foras na Gaeilge, Fóram na nÓg, Conradh na Gaeilge agus Cumann Lucht Trádála an Iúir. Bhí mé i mo bhall de roinnt coistí deonacha chomh maith, le Comhaltas Uladh de Chonradh na Gaeilge, Coiste Gnó de Chonradh na Gaeilge, Fóram na nÓg, Féile Scoildrámaíochta an Iúir, Club Óige an Iúir agus Gaelphobal Ard Mhacha Theas ina measc.